قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ بۇيرىعى  №274 

  2016 جىلعى 16 ناۋرىز,استانا قالاسى اقپاراتتاندىرۋ سالاسىنداعى تاۋارلاردى, جۇمىستار مەن كورسەتىلەتىن قىزمەتتەردى مەملەكەتتىك ساتىپ الۋعا ارنالعان شىعىستاردىڭ ەسەپ-قيسابىن جاساۋ, ۇسىنۋ جانە قاراۋ جونىندەگى نۇسقاۋلىقتى بەكىتۋ تۋرالى «اقپاراتتاندىرۋ تۋرالى» 2015 جىلعى 24 قاراشاداعى قازاقستان رەسپۋبليكاسىنىڭ زاڭى 7 - بابى 21) تارماقشاسىنا سايكەس, بۇيىرامىن: 1. قوسا بەرىلىپ وتىرعان اقپاراتتاندىرۋ سالاسىنداعى تاۋارلاردى, جۇمىستار مەن كورسەتىلەتىن قىزمەتتەردى مەملەكەتتىك ساتىپ الۋعا ارنالعان شىعىستاردىڭ ەسەپ-قيسابىن جاساۋ, ۇسىنۋ جانە قاراۋ جونىندەگى نۇسقاۋلىق بەكىتىلسىن. 2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ بايلانىس, اقپاراتتاندىرۋ جانە اقپارات كوميتەتىنە (ت.ب.قازانعاپ): 1) وسى بۇيرىقتى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋدى; 2) وسى بۇيرىق قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن ونىڭ كوشىرمەلەرىن باسپا جانە ەلەكتروندىق تۇردە كۇنتىزبەلىك ون كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا, سونداي-اق تىركەلگەن بۇيرىقتى العان كۇننەن باستاپ كۇنتىزبەلىك ون كۇن ىشىندە قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە ەنگىزۋ ءۇشىن رەسپۋبليكالىق قۇقىقتىق اقپارات ورتالىعىنا جىبەرۋدى; 3) وسى بۇيرىقتىڭ قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرىلۋىن; 4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە وسى بۇيرىقتىڭ وسى تار­ماعىنىڭ تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ينۆەستيتسيالار جانە دامۋ ۆيتسە-مينيسترىنە جۇكتەلسىن. 4. وسى بۇيرىق ونىڭ العاش رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگiزiلەدi. قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ مىندەتىن اتقارۋشى ج. قاسىمبەك «كەلىسىلگەن» قازاقستان رەسپۋبليكاسىنىڭ ۇلتتىق ەكونوميكا ءمينيسترى _______________ ە.دوساەۆ 2016 جىلعى 16 ناۋرىز قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ مىندەتىن اتقارۋشىسىنىڭ 2016 جىلعى 16 ناۋرىزداعى №274 بۇيرىعىمەن بەكىتىلگەن اقپاراتتاندىرۋ سالاسىنداعى تاۋارلاردى, جۇمىستاردى, قىزمەتتەردى مەملەكەتتىك ساتىپ الۋ شىعىستارىنىڭ ەسەبىن جاساۋ, ۇسىنۋ جانە قاراستىرۋ جونىندەگى نۇسقاۋلىق 1. جالپى ەرەجەلەر 1. وسى اقپاراتتاندىرۋ سالاسىنداعى تاۋارلاردى جۇمىستاردى, قىزمەتتەردى مەملەكەتتىك ساتىپ الۋ شىعىستارىنىڭ ەسەبىن جاساۋ, ۇسىنۋ جانە قاراستىرۋ جونىندەگى نۇسقاۋلىق (بۇدان ءارى - نۇسقاۋلىق) «اقپاراتتاندىرۋ تۋرالى» 2015 جىلعى 24 قاراشاداعى قازاقستان رەسپۋبليكاسى زاڭىنىڭ 7-بابىنىڭ 21) تارماقشاسىنا سايكەس (بۇدان ءارى – زاڭ) اقپاراتتاندىرۋ سالاسىنداعى تاۋارلاردى جۇمىستاردى, قىزمەتتەردى مەملەكەتتىك ساتىپ الۋ شىعىستارىنىڭ ەسەبىن جاساۋ, ۇسىنۋ جانە قاراستىرۋ (بۇدان ءارى – شىعىستار ەسەبى) پروتسەسىن ناقتىلاۋ ماقساتىندا ازىرلەندى. 2. اقپاراتتاندىرۋ سالاسىنداعى ۋاكىلەتتى ورگان (بۇدان ءارى – ۋاكىلەتتى ورگان) «ەلەكتروندىق ۇكىمەتتىڭ» ارحيتەكتۋرالىق پورتالى ارقىلى (بۇدان ءارى - پورتال) بيۋدجەتتىك باعدارلامالاردىڭ اكىمشىلەرىن (بۇدان ءارى - اكىمشى) شىعىستاردىڭ ەسەبىن بەرۋ مەرزىمىنىڭ باستالۋى جانە اياقتالۋى تۋرالى الدىن الا ەسكەرتۋدى, قۇجاتتاردى قابىلداۋ تۋرالى ۋاقىتىلى حابارلاۋدى, شىعىنداردىڭ ەسەبىن پىسىقتاۋ بويىنشا ەسكەرتۋلەر مەن ۇسىنىستاردى, قورىتىندىلاردى, شىعىنداردىڭ ەسەبىن جاساۋ, ۇسىنۋ جانە قاراستىرۋ كەزىندە اقپاراتتاندىرۋ سالاسىنداعى ساراپتامالىق كەڭەس (بۇدان ءارى – ساراپتامالىق كەڭەس) وتىرىستارىنىڭ حاتتامالارىن جىبەرۋدى قامتاماسىز ەتەدى. 2. اقپاراتتاندىرۋ سالاسىنداعى تاۋارلاردى, جۇمىستاردى, قىزمەتتەردى مەملەكەتتىك ساتىپ الۋ شىعىستارىنىڭ ەسەبىن جاساۋ 3. اقپاراتتاندىرۋ سالاسىنداعى تاۋارلاردى, جۇمىستاردى, قىزمەتتەردى مەملەكەتتىك ساتىپ الۋ شىعىستارىن جاساۋ كەزىندە اكىمشى: 1) زاڭنىڭ 6-بابىنىڭ 3) تارماقشاسىنا سايكەس بەكىتىلەتىن اقپاراتتىق-كوممۋنيكاتسيالىق تەحنولوگيا سالاسىندا بىرىڭعاي تالاپتاردى ساقتاۋدى جانە اقپاراتتىق قاۋىپسىزدىكتى قامتاماسىز ەتەدى; 2) اقپاراتتاندىرۋدىڭ سەرۆيستىك مودەلىنە ءوتۋ باسىمدىعىن جانە اقپاراتتىق-كوممۋنيكاتسيالىق قىزمەتتەردى الۋدى قامتاماسىز ەتەدى; 3) شىعىستاردىڭ ەسەبىن مەملەكەتتىك ورگان ارحيتەكتۋراسىندا – اكىمشىدە بەكىتىلگەن ەسەپكە سايكەستىگىن قامتاماسىز ەتەدى; 4) اكتيۆتەردى پايدالانۋدىڭ كەزەڭىنە, سونداي-اق ەنگىزىلەتىن جانە تارالاتىن اقپاراتتىق جۇيەلەردىڭ تالاپتارىنا جانە مەرزىمدەرىنە سايكەس ولاردى قايتا جابدىقتاۋدى جانە اۋىستىرۋدى جۇزەگە اسرادى; 5) شىعىستاردىڭ قوسارلانۋىن بولدىرمايدى; 6) شىعىستاردىڭ نەگىزدەلگەن ەسەبىن جاساۋ ءۇشىن ءتيىستى تاۋارلاردىڭ, جۇمىستاردىڭ جانە قىزمەتتەردىڭ نارىقتاعى ۇسىنىستارىن زەرتتەيدى; 7) ليتسەنزيالىق باعدارلامالىق قامتاماسىز ەتۋدى پايدالانۋ كەزىندە «اۆتورلىق قۇقىق جانە ساباقتاس قۇقىقتار تۋرالى» قازاقستان رەسپۋبليكاسىنىڭ 1996 جىلعى 10 ماۋسىمداعى زاڭىنىڭ تالاپتارىن ساقتاۋدى قامتاماسىز ەتەدى; 8) اقپاراتتىق-كوممۋنيكاتسيالىق ينفراقۇرىلىمدار كومپونەنتتەرىنىڭ توقتاۋسىز جۇمىس ىستەۋىن قامتاماسىز ەتەدى. 4. بيۋدجەتتىك ينۆەستيتسيانى جۇزەگە اسىرۋعا باعىتتالعان بيۋدجەتتىك باعدارلامالار (كىشى باعدارلاما) بويىنشا شىعىستاردىڭ مولشەرى بەكىتىلگەن تەحنيكا-ەكونوميكالىق نەگىزدەمە, قارجى-ەكونوميكالىق نەگىزدەمە شەڭبەرىندە بيۋدجەتتىك ينۆەستيتسيالىق جوبالار كومپونەنتتەرىنىڭ قۇنىنان اسپايدى. 5. شىعىستارىنىڭ ەسەبىن جاساۋ كەزىندە اكىمشى اقپاراتتاندىرۋ بويىنشا شىعىستار باسىمدىقتارىنا ساي وسى نۇسقاۋلىققا 2-قوسىمشاعا سايكەس اقپاراتتاندىرۋ سالاسىنداعى تاۋارلاردى, جۇمىستاردى, قىزمەتتەردى مەملەكەتتىك ساتىپ الۋ شىعىستار ەسەبىنىڭ باسىمدىلىعا سايكەس (بۇدان ءارى – شىعىستار ەسەبىنىڭ باسىمدىلىعى) باسىم ءىس-شارالاردى قارجىلاندىرۋدى قاراستىرادى. 6. اكىمشى شىعىستاردى زاڭنىڭ 7-بابىنا 29) قوسىمشاعا سايكەس بەكىتىلەتىن اقپاراتتىق-كوممۋنيكاتسيالىق قىزمەت كاتالوگىندەگى (بۇدان ءارى – كاتالوگ) مالىمەتتەر بويىنشا اقپاراتتىق-كوممۋنيكاتسيالىق شىعىستاردىڭ سايكەستىگىن تەكسەرەدى. 3. اقپاراتتاندىرۋ سالاسىنداعى تاۋارلاردى, جۇمىستاردى, قىزمەتتەردى مەملەكەتتىك ساتىپ الۋ شىعىستارىنىڭ ەسەبىن ۇسىنۋ 7. اكىمشى جىل سايىن اعىمداعى قارجىلىق جىلدىڭ 1 ناۋرىزىنا دەيىن ارحيتەكتۋرالىق پورتال ارقىلى ۋاكىلەتتى ورگاننىڭ قاراۋىنا ەلەكتروندىق قۇجات نىسانىندا كەزەكتى جوسپارلى كەزەڭگە شىعىستاردىڭ ەسەبىن ەنگىزەدى. 8. قۇپيا سيپاتتاعى مالىمەتتى قۇرايتىن شىعىستاردىڭ ەسەبى ۋاكىلەتتى ورگانعا قاعاز تاسىعىشتا ۇسىنىلادى جانە «مەملەكەتتىك قۇپيالار تۋرالى» 1999 جىلعى 15 ناۋرىزداعى قازاقستان رەسپۋبليكاسى زاڭىنىڭ 25-بابىندا بەلگىلەنگەن تارتىپتە جانە رەجيمدى ساقتاي وتىرىپ قارالادى. 9. شىعىستاردىڭ ەسەبىن قاراستىرۋدان باس تارتۋ: 1) شىعىستار ەسەبىنىڭ نىسانى مەن مازمۇنى قازاقستان رەسپۋبلكاسىنىڭ زاڭى مەن بيۋدجەتتىك زاڭناما تالاپتارىنا سايكەس كەلمەسە; 2) وسى نۇسقاۋلىقتىڭ 11 جانە 12 تارماقتارىنا سايكەس قۇجاتتاردى ۇسىنباعان جاعدايلاردا جۇزەگە اسىرىلادى. 10. اعىمداعى قارجىلىق جىلدىڭ بيۋدجەتىنە تۇزەتۋدى نەمەسە ناقتىلاۋدى جۇرگىزگەن كەزدە اكىمشى شىعىستاردىڭ ەسەبىن بيۋدجەتتىڭ تۇزەتىلۋىن نەمەسە ناقتىلاۋىن جۇرگىزۋ تۋرالى بيۋدجەتتىك جوسپارلاۋ بويىنشا ۋاكىلەتتى ورگان حابارلاعان ساتتەن باستاپ ون بەس كۇنتىزبەلىك كۇن ىشىندە ەلەكتروندىق قۇجات تۇرىندە ارحيتەكتۋرالىق پورتالدى پايدالانا وتىرىپ, نەمەسە وسى نۇسقاۋلىقتىڭ 8 تارماعىندا كوزدەلگەن قاعاز تاسىعىشتا قۇپيا سيپاتتاعى مالىمەتتى قۇرايتىن ۋاكىلەتتى ورگانعا ەنگىزەدى. 11. كاتالوگتە اقپاراتتىق-كوممۋنيكاتسيالىق قىزمەتتەر بار بولعان جاعدايدا اكىمشى كەلەسى قۇجاتتاردى ۇسىنادى: 1) قازاقستان رەسپۋبليكاسى قارجى ءمينيسترىنىڭ 2014 جىلعى 24 قاراشاداعى № 511 بۇيرىعىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە №10007 تىركەلگەن) (بۇدان ءارى – بيۋدجەتتىك ءوتىنىمدى جاساۋ جانە ۇسىنۋ قاعيدالارى) بەكىتىلگەن تۇسىندىرمەلىك جازبا; 2) اقپاراتتىق-كوممۋنيكاتسيالىق ينفراقرىلىم وپەرەتورىنىڭ كوممەرتسيالىق ۇسىنىسىنىڭ كوشىرمەسى. 12. كاتالوگكە ەنگىزىلمەگەن, تاۋارلاردى, جۇمىستار مەن قىزمەتتەردى ساتىپ الۋ جونىندەگى شىعىستار ەسەبىنە كەلەسى قۇجاتتار جاتادى: 1) بيۋدجەتتىك وتىنىمدەردى جاساۋ جانە ۇسىنۋ قاعيدالارىنىڭ تالاپتارىنا سايكەس تۇسىندىرمەلىك جازبا; 2) ناقتىلاي وتىرىپ, كەم دەگەندە ەكى الەۋەتتى جەتكىزۋشىدەن كوممەرتسيالىق ۇسىنىستاردىڭ كوشىرمەلەرى; تاۋارلار (تاۋارلار بىرلىگىنىڭ سانى, تاۋاردىڭ سيپاتتاماسى, تاۋارلىڭ قۇنى); جۇمىستار مەن قىزمەتتەر (جۇمىستاعى جانە (نەمەسە) قىزمەتتەگى وپەراتسيالاردىڭ سيپاتتاماسى), جۇمىستاعى جانە (نەمەسە) قىزمەتتەگى وپەرتسيالارىڭ سانى, جۇمىستاعى جانە (نەمەسە) قىزمەتتەگى ءبىر وپەراتسيانى وتكىزۋگە تارتىلعان ادامدارىڭ سانى مەن ۋاقىتى), جۇمىستاعى جانە (نەمەسە قىزمەتتەگى وپەرتسيالارىڭ قۇنى مەن قىزمەت كورسەتكەن ادامداردىڭ سانى). 3) اكىمشىنىڭ بايلانىس تۇلعاسى تۋرالى مالىمەتتەرى, (بار بولعان جاعدايدا تەگى, اتى, اكەسىنىڭ اتى) لاۋازىمى, تەلەفونى, ەلەكتروندىق پوشتاسى; 4) بەكىتىلگەن ينۆەستيتسيالىق ۇسىنىستاردىڭ, تەحنيكالىق-ەكونوميكالىق نەگىزدەمەلەردىڭ, قارجى-ەكونوميكالىق نەگىزدەمەلەردىڭ, مەملەكەتتىك ينۆەستيتسيالىق جوبالاردى ازىرلەگەن جانە ارحيتەكتۋرالىق پورتالدا جوق بولعان جاعدايدا مەملەكەتتىك-جەكە سەرىكتەستىك تۇجىرىمداماسىنىڭ كوشىرمەلەرى; 5) اكىمشىنىڭ بەكىتىلگەن شتات سانىنىڭ كوشىرمەلەرى. 13. اقپاراتتاندىرۋ سالاسىنداعى تاۋارلاردى ساتىپ الۋ بويىنشا شىعىستاردى نەگىزدەۋ ءۇشىن ارحيتەكتۋرالىق پور­تالدا بولماعان جاعدايدا وسى نۇسقاۋلىقتىڭ 11 جانە 12-تارماقتارىندا كورسەتىلگەن قۇجاتتارعا قوسىمشا مىنالار: 1) اكتيۆتەر جانە ولاردىڭ اعىمداعى بالانستىق قۇنى بويىنشا كوشىرمەسى, ونىڭ ىشىندە مەملەكەتتىك ورگان اكتيۆتەرىنىڭ توزۋ ءتىزىلىمى; 2) تەڭگەرىمگە الىنباعان اقپاراتتىق-كوممۋنيكاتسيالىق ينفراقۇرىلىمداردىڭ وبەكتىلەرىن (تاۋاردىڭ قۇنى, تاۋاردىڭ اتاۋى, تەحنيكالىق ەرەكشەلىكتەرىنىڭ ەلەكتروندىق كوشىرمەلەرى) مەملەكەتتىك ساتىپ الۋ تۋرالى شارتتارداعى مالىمەتتەر (ولار بار بولعان جاعدايدا); 3) اقپاراتتىق-كوممۋنيكاتسيالىق ينفراقۇرىلىمدار وبەكتىلەرىنىڭ تەحنيكالىق جاعدايى, پايدالانۋدان الىنۋى جانە ىسكە جاراتۋ تۋرالى مالىمەتتەر بەرىلەدى. 14. اقپاراتتاندىرۋ سالاسىنداعى تاۋارلاردى ساتىپ الۋ بويىنشا شىعىستاردى نەگىزدەۋ ءۇشىن ارحيتەكتۋرالىق پور­تالدا بولماعان جاعدايدا وسى نۇسقاۋلىقتىڭ 11 جانە 12-تارماقتارىندا كورسەتىلگەن قۇجاتتارعا قوسىمشا مىنالار: 1) ورىندالعان جۇمىستار مەن كورسەتىلگەن قىزمەتتەر بويىنشا ءۇش جىلدىق كەزەڭگە ۇقساس جۇمىستاردى جانە قىزمەتتەردى (جۇمىستار مەن قىزمەتتەردىڭ كولەمى, جۇمىستار مەن قىزمەتتەردىڭ قۇنى, جۇمىستار مەن قىزمەتتەردىڭ اتاۋلارى, تەحنيكالىق ەرەكشەلىكتەردىڭ ەلەكتروندىق كوشىرمەلەرى) مەملەكەتتىك ساتىپ الۋ تۋرالى شارتتارداعى مالىمەتتەر (ولار بار بولعان جاعدايدا); 2) كەزەكتى قارجى جىلىنا اقپاراتتاندىرۋ سالاسىنداعى جۇمىستاردى جانە قىزمەتتەردى ساتىپ الۋعا جوسپارلانعان تەحنيكالىق ەرەكشەلىكتەردىڭ كوشىرمەلەرى; 3) ورىندالعان جۇمىستاردىڭ ناقتى كولەمىن كورسەتە وتىرىپ, ءۇش جىلدىق كەزەڭگە ۇقساس جۇمىستار مەن قىزمەتتەردىڭ ورىندالعان جۇمىستارىنىڭ (كورسەتىلگەن قىزمەتتەردىڭ) اكتىلەرىندەگى مالىمەتتەر (ولار بار بولعان جاعدايدا) بەرىلەدى. 15. شىعىستاردىڭ ەسەبى ارحيتەكتۋرالىق پورتالدا مالىمەتتەر جاريالانعان كۇننەن باستاپ, وسى نۇسقاۋلىقتىڭ 8 تارماعىندا كوزدەلگەن قۇپيا سيپاتتاعى مالىمەتتى قۇرايتىن شىعىستاردىڭ ەسەبى قاعاز تاسىعىشتا ۇسىنىلعان كۇننەن باستاپ دەپ ەسەپتەلەدى. 4. اقپاراتتاندىرۋ سالاسىندا تاۋارلاردى, جۇمىستاردى, قىزمەتتەردى مەملەكەتتىك ساتىپ الۋ شىعىستارىنىڭ ەسەبىن قاراۋ 16. ۋاكىلەتتى ورگاننىڭ شىعىستار ەسەبىن قاراۋى قۇجاتتار تۇسكەن كۇننەن باستاپ كۇنتىزبەلىك وتىز كۇننەن اسپايتىن مەرزىمدە جۇزەگە اسىرىلادى. شىعىستار ەسەبىن وسى نۇسقاۋلىقتىڭ 9-تارماعىنا سايكەس قاراۋدان باس تارتىلعان جاعدايدا, مالىمەتتەر ارحيتەكتۋرالىق پورتالعا ورنالاستىرىلعان ساتتەن باستاپ كۇنتىزبەلىك ون كۇننىڭ ىشىندە ۋاكىلەتتى ورگان شىعىستار ەسەبىن دالەلدى سەبەپتەرمەن باس تارتىپ, اكىمشىگە قايتارادى. شىعىستار ەسەبىن قاراۋ ناتيجەسىندە ەسكەرتۋلەر مەن ۇسىنىستار بولعان جاعدايدا ۋاكىلەتتى ورگان شىعىستار ەسەبىن پىسىقتاۋ ءۇشىن اكىمشىگە جىبەرەدى. ەسكەرتۋلەر مەن ۇسىنىستار بولماعان جاعدايدا ۋاكىلەتتى ورگان ۇسىنىلعان شىعىستار ەسەبىنە, وسى نۇسقاۋلىققا 2-قوسىمشاعا سايكەس تاۋارلاردى, جۇمىستاردى, قىزمەتتەردى مەملەكەتتىك ساتىپ الۋ شىعىستارىنىڭ ەسەبىنە قورىتىندى (بۇدان ءارى - قورىتىندى) دايىنداپ, وسى تارماقتىڭ ءبىرىنشى بولىگىندە كورسەتىلگەن مەرزىم ىشىندە شىعىستار ەسەبىمەن ساراپتاۋ كەڭەسىنىڭ قاراۋىنا جولدايدى. 17. بيۋدجەتكە تۇزەتۋ نەمەسە ناقتىلاۋ جۇرگىزىلگەن كەزدە اعىمداعى قارجى جىلىنا ارنالعان شىعىستار ەسەبىن ۋاكىلەتتى ورگان كۇنتىزبەلىك وتىز كۇن ىشىندە قارايدى. 18. ۋاكىلەتتى ورگان شىعىستار ەسەبىن قاراعان كەزدە مىنالار ەسكەرىلەدى: 1) اكىمشى مەملەكەتتىك ورگاننىڭ – اكىمشىنىڭ بەكىتىلگەن ارحيتەكتۋرانى ىسكە اسىرۋ بارىسى تۋرالى اقپاراتى; 2) اقپاراتتاندىرۋ سالاسىندا ورىندالعان جۇمىستاردىڭ جانە كورسەتىلگەن قىزمەتتەردىڭ مەرزىمدەرى, كولەمدەرى مەن قۇنى تۋرالى مالىمەتتەردى قوسا العاندا, ەسەپتى قارجى جىلىنداعى بيۋدجەتتىك ينۆەستيتسيالاردى جۇزەگە اسىرۋعا ارنالعان بيۋدجەتتىك باعدارلامالاردىڭ (كىشى باعدارلامالاردىڭ) ورىندالۋى; 3) اعىمداعى قارجى جىلىنىڭ بيۋدجەتتىك ينۆەستيتسيالارىن جۇزەگە اسىرۋعا ارنالعان بيۋدجەتتىك باعدارلامالاردى (كىشى باعدارلامالاردى) ىسكە اسىرۋ بارىسى تۋرالى اقپارات; 4) كەزەكتى قارجى جىلى مەن جوسپارلى كەزەڭگە ارنالعان بيۋدجەتتىك ينۆەستيتسيالاردى جۇزەگە اسىرۋعا باعىتتالعان بيۋدجەتتىك باعدارلامالار بويىنشا كۇتىلەتىن تيىمدىلىك پەن ناتيجەلەر تۋرالى مالىمەتتەر; 5) مەملەكەتتىك ورگاننىڭ ارحيتەكتۋرالىق پورتالداعى اقپاراتتاندىرۋ وبەكتىلەرى تۋرالى مالىمەتتەرى; 6) اكىمشىنىڭ نەمەسە باسقا اكىمشىلەر شىعىستارىنىڭ نەگىزدىلىگى جانە ەسەپتىك قارجى جىلىنداعى ۇقساس شىعىستارىمەن نەمەسە ءىس-شارالارمىن سالىستىرمالىلىعى (بولعان كەزدە); 7) تاۋارلاردىڭ, جۇمىستار مەن كورسەتىلەتىن قىزمەتتەردىڭ جوسپارلى باعالارىنىڭ نارىق باعالارىمەن سالىستىرىمدىعى; 8) اكىمشى اقپاراتتاندىرۋ وبەكتىلەرىنىڭ تەحنيكالىق جاي-كۇيى, ىسكە جاراتىلۋى جانە بالانستىق قۇنى; 9) تاۋارلاردىڭ, جۇمىستاردىڭ, كورسەتىلەتىن قىزمەتتەردىڭ جوسپارلى باعالارىنىڭ «مەملەكەتتىك ساتىپ الۋ تۋرالى» 2015 جىلعى 4 جەلتوقسانداعى قازاقستان رەسپۋبليكاسى زاڭىندا كوزدەلگەن تاۋارلاردىڭ, جۇمىستاردىڭ كورسەتىلەتىن قىزمەتتەردىڭ باعالارى دەرەكقورىندا قامتىلعاندارعا سالىستىرمالىلىعى; 10) اقپاراتتاندىرۋ سالاسىنداعى شىعىستار ەسەبىنىڭ باسىمدىلىعى. 19. مەملەكەتتىك ورگاننىڭ –اكىمشىسىنىڭ بەكىتىلگەن ارحيتەكتۋراسىندا كورسەتىلگەن تاۋارلار, جۇمىستار مەن كورسەتىلەتىن قىزمەتتەردىڭ شىعىستار ەسەبى ۋاكىلەتتى ورگاننىڭ قاراۋىنا جاتادى. 20. مەملەكەتتىك ورگاننىڭ – اكىمشىنىڭ بەكىتىلگەن ارحيتەكتۋراسى بولماعان جاعدايدا ۋاكىلەتتى ورگان شىعىستار ەسەبىن قاراۋدى وسى نۇسقاۋلىقتىڭ 11 جانە 12 تارماقتارىندا تىزىمدەلگەن مالىمەتتەردى تالداۋ ارقىلى جۇزەگە اسىرادى. 21. ۋاكىلەتتى ورگان شىعىستار ەسەبىن مىنالارعا قاتىستى قارايدى: 1) نەگىزسىز جانە ارتىق شىعىستاردى جويۋ; 2) تاۋارلاردىڭ, جۇمىستار مەن كورسەتىلەتىن قىزمەتتەردىڭ كولەمدەرىن, سيپاتتامالارىن جانە قۇنىن اكىمشىنىڭ ورىن الاتىن قاجەتتىلىگىنە جانە(نەمەسە) اكىمشىنىڭ ەسەپتى قارجى جىلىنداعى ۇقساس شىعىندارىنىڭ ناقتى كولەمدەرىنە, ساپاتتامالارى مەن قۇنىنا سايكەستەندىرۋ; 3) بالاما شىعىستاردىڭ بولۋىن باعالاۋ. 22. اقپاراتتاندىرۋ وبەكتىسىن اعىمداعى قارجىلىق جىلدا پايدالانۋدى توقتاتۋ نەمەسە «ەلەكتروندىق ۇكىمەتتىڭ» اقپاراتتىق-كوممۋنيكاتسيالىق تۇعىرناماسىنا كوشىرۋ قاجەتتىلىگى جاعدايىندا جوسپارلى كەزەڭدە اتالعان اقپاراتتاندىرۋ وبەكتىسىنە بيۋدجەت قاراجاتىن ءبولۋ قولدانبايدى. 23. ارحيتەكتۋرالىق پورتالدا اقپاراتتىق جۇيە تىركەلمەگەن جاعدايدا اقپاراتتىق جۇيە مەن ىلەسپە جۇيەسىنىڭ ەسەپتەۋ تەحنيكالارى مەن نەگىزگى قۇرالدارىن ۇستاۋ, تەحنيكالىق قىزمەت كورسەتۋ بويىنشا جوسپارلى كەزەڭگە شىعىستارى قولدانبايدى. 24. ۋاكىلەتتى ورگاننان شىعىستار ەسەبى بويىنشا ەسكەرتۋلەر مەن ۇسىنىستاردى العان كۇنىنەن باستاپ اكىمشى كۇنتىزبەلىك سەگىز كۇننىڭ ىشىندە ارحيتەكتۋرالىق پورتالداعى شىعىستار ەسەبىن پىسىقتايدى جانە ەلەكتروندىق قۇجات تۇرىندە ۋاكىلەتتى ورگانعا قايتادان قاراۋ ءۇشىن ۇسىنادى. اعىمداعى قارجى جىلىنا ارنالعان بيۋدجەتتى تۇزەتۋدى نەمەسە ناقتىلاۋدى جۇرگىزگەن جاعدايلاردا اكىمشى شىعىستار ەسەبىن كۇنتىزبەلىك سەگىز كۇن ىشىندە پىسىقتايدى. بۇل رەتتە اكىمشى شىعىستار ەسەبىن تاۋارلاردىڭ, جۇمىستار مەن كورسەتىلەتىن قىزمەتتەردىڭ باستاپقى ۇسىنىلعان تىزبەسىنە جانە شىعىستار سوماسىنا تۇزەتۋلەر مەن تولىقتىرۋلار ەنگىزبەي, ۋاكىلەتتى ورگاننىڭ ەسكەرتۋلەرىن جانە ۇسىنىستارىن ەسكەرە وتىرىپ, پىسىقتايدى. 25. ۋاكىلەتتى ورگان شىعىستار ەسەبىن قايتادان قاراعان كەزدە اكىمشىنىڭ شىعىستار ەسەبىن انىقتالعان ەسكەرتۋلەردىڭ جويىلۋىنا جانە ۇسىنىستاردىڭ ىسكە اسىرىلۋىنا قاتىستى تەكسەرەدى. 26. اعىمداعى قارجى جىلىنا ارنالعان بيۋدجەتتى تۇزەتۋدى نەمەسە ناقتىلاۋدى جۇرگىزۋدى قوسا العاندا, شىعىستار ەسەبىن قايتا قاراۋدى ۋاكىلەتتى ورگان كۇنتىزبەلىك سەگىز كۇن ىشىندە جۇزەگە اسىرادى. ۋاكىلەتتى ورگان قورىتىندى دايىندايدى جانە وسى تارماقتىڭ ءبىرىنشى بولىگىندە كورسەتىلگەن مەرزىم ىشىندە اكىمشىنىڭ شىعىستار ەسەبىمەن قوسا ساراپتاۋ كەڭەسىنىڭ قاراۋىنا جولدايدى. 27. شىعىستار ەسەبى كورسەتىلگەن مەرزىمدە ۇسىنىلماعان جاعدايدا اكىمشىنىڭ شىعىستار ەسەبى ساراپتاۋ كەڭەسىنىڭ قاراۋىنا شىعارىلمايدى. 28. ۋاكىلەتتى ورگاننىڭ ەسكەرتۋلەرى جويىلماعان شىعىستار ەسەبى ساراپتاۋ كەڭەسىنىڭ قاراۋىنا شىعارىلمايدى, كەيىن وسى نۇسقاۋلىقتىڭ 26-تارماعىنىڭ ءبىرىنشى بولىگىندە كورسەتىلگەن مەرزىم ىشىندە اكىمشىگە حابارلانادى. 29. ساراپتاۋ كەڭەسى ۋاكىلەتتى ورگاننىڭ قورىتىندىسى بەرىلگەن كۇننەن باستاپ كۇنتىزبەلىك ون كۇن ىشىندە اكىمشىنىڭ شىعىستار ەسەبىن قارايدى جانە شىعىستار ەسەبىنىڭ باسىمدىلىعى سايكەس شىعىستار ەسەبىنىڭ قورىتىندىسىن ەسكەرە وتىرىپ, ۇسىنىستار ازىرلەيدى. ساراپتاۋ كەڭەسىنىڭ ۇسىنىستارى اكىمشىلەر بويىنشا اقپاراتتاندىرۋ سالاسىنداعى تاۋارلاردىڭ, جۇمىستار مەن كورسەتىلگەن قىزمەتتەردىڭ شىعىستار سوماسى جانە شىعىستار ەسەبىنىڭ باسىمدىلىعى, مالىمدەلگەن جانە قولداۋ كورسەتىلگەن تىزبەسى تۋرالى اقپارات كورسەتىلە وتىرىپ, ساراپتاۋ كەڭەسى وتىرىسىنىڭ حاتتاماسى تۇرىندە رەسىمدەلەدى. 30. ساراپتاۋ كەڭەسى وتىرىسىنىڭ حاتتاماسى قول قويىلعان سوڭ كۇنتىزبەلىك بەس كۇن ىشىندە اكىمشىگە جانە مەملەكەتتىك جوسپارلاۋ جونىندەگى جەرگىلىكتى ۋاكىلەتتى ورگانعا جىبەرىلەدى. 31. ساراپتاۋ كەڭەسى وتىرىسىنىڭ حاتتاماسى قول قويىلعان سوڭ اكىمشىلەردىڭ شىعىستار ەسەبىن قاراۋ ناتيجەلەرى بويىنشا ساراپتاۋ كەڭەسى وتىرىسىنىڭ حاتتاماسىن ۋاكىلەتتى ورگان كۇنتىزبەلىك بەس كۇننىڭ ىشىندە ارحيتەكتۋرالىق پورتالعا ورنالاستىرادى. 32. ارحيتەكتۋرالىق پورتالداعى شىعىستار ەسەبى بويىنشا دەرەكتەردى اكىمشى رەسپۋبليكالىق بيۋدجەت تۋرالى زاڭ نەمەسە جەرگىلىكتى بيۋدجەت تۋرالى ماسليحات شەشىمدەرى بەكىتىلگەننەن كەيىن, سونىڭ ىشىندە بيۋدجەتتى تۇزەتۋ نەمەسە ناقتىلاۋ جۇرگىزىلگەننەن سوڭ جاڭارتادى. اقپاراتتاندىرۋ سالاسىنداعى تاۋارلاردى, جۇمىستاردى, قىزمەتتەردى مەملەكەتتىك ساتىپ الۋدىڭ شىعىستارىن ەسەپتەۋ, ۇسىنۋ جانە قاراۋ جونىندەگى نۇسقاۋلىققا 1-قوسىمشا اقپاراتتاندىرۋ سالاسىنداعى تاۋارلاردى, جۇمىستاردى, قىزمەتتەردى مەملەكەتتىك ساتىپ الۋ شىعىستار ەسەبىنىڭ باسىمدىلىعى ر/س № شىعىس اتاۋلارى باسىمدىلىعى (1-جوعارى, 2-ورتاشا, 3-قالىپتى, 4-تومەن) 1. اقپاراتتىق جۇيەنى, «ەلەكتروندىق ۇكىمەتتىڭ» اقپاراتتىق-كوممۋنيكاتسيالىق تۇعىرناماسىن جانە مەملەكەتتىك ورگاننىڭ ينتەرنەت-رەسۋرسىن اقپاراتتىق قاۋىپسىزدىك تالاپتارىنا سايكەستىگىنە اتتەستاتتاۋ قالىپتى 2. اقپاراتتىق جۇيە ءاۋديتى ورتاشا 3. اقپاراتتىق جۇيەنى ەنگىزۋ 1 جانە 2 توپتاعى اقپاراتتىق جۇيەلەر ءۇشىن –ورتاشا 3 توپتاعى اقپاراتتىق جۇيەلەر ءۇشىن - قالىپتى 4. اقپاراتتىق جۇيەلەردى ينتەگراتسيالاۋ جوعارى 5. باعدارلامالىق ونىمدەردى, اقپاراتتىق كودتاردى سىناقتان وتكىزۋ جانە نورماتيۆتىك-تەحنيكالىق قۇجاتتامانى ساراپتاۋ ورتاشا 6. پايدالانۋشىلاردى وقىتۋ قالىپتى 7 دەرەكتەردى جۇكتەۋگە دايىنداۋ مەن دەرەكتەردى جۇيەگە ەنگىزۋ (باستاپقى, مۇراعاتتىق دەرەكتەردى) جوعارى 8 اقپاراتتىق-كوممۋنيكاتسيالىق قىزمەتتەردى كورسەتۋ جوعارى 9 اقپاراتتىق-كوممۋنيكاتسيالىق ينفراقۇرىلىم كومپونەنتتەرىنە ارنالعان قوسالقى بولشەكتەر ساتىپ الۋ قالىپتى 10 شەتكەرىدەگى جابدىقتار ءۇشىن كارتريدجدەر ساتىپ الۋ قالىپتى 11 كليەنتتىك باعدارلامالىق قامتاماسىز ەتۋدى ساتىپ الۋ قالىپتى 12 كومپيۋتەرلىك جابدىق ساتىپ الۋ تومەن 13 شەتكەرىدەگى جابدىقتى ساتىپ الۋ تومەن 14 سەرۆەرلىك جابدىق ساتىپ الۋ قالىپتى 15 سەرۆەرلىك باعدارلامالىق قامتاماسىز ەتۋدى ساتىپ الۋ 1 جانە 2 توپتاعى اقپاراتتىق جۇيەلەر ءۇشىن –جوعارى 3 توپتاعى اقپاراتتىق جۇيەلەر ءۇشىن – ورتاشا 16 تەلەكوممۋنيكاتسيالىق جابدىقتاردى ساتىپ الۋ قالىپتى 17 كورسەتىلەتىن تەلەكوممۋنيكاتسيالىق قىزمەتتەردى ساتىپ الۋ جوعارى 18 شەتكەرىدەگى جابدىققا ارنالعان تونەر ساتىپ الۋ تومەن 19 ەلەكتر جابدىعىن جانە سەرۆەرلىك ءۇي-جايلارعا ارنالعان جابدىقتى ساتىپ الۋ تومەن 20 وزگە كونسالتينگ قىزمەتتەرى تومەن 21 اقپاراتتاندىرۋ وبەكتىسىن پايدالانۋدى توقتاتۋدى قامتاماسىز ەتۋ قالىپتى 22 اقپاراتتىق جۇيەنى دامىتۋ 1 جانە 2 توپتاعى اقپاراتتىق جۇيەلەر ءۇشىن –ورتاشا 3 توپتاعى اقپاراتتىق جۇيەلەر ءۇشىن – قالىپتى 23 سەرۆەرلىك جابدىقتى جالعا الىناتىن سەرۆەرلىك ءۇي-جايعا ورنالاستىرۋ ورتاشا 24 مەملەكەتتىك ورگاننىڭ ارحيتەكتۋراسىن ازىرلەۋ نەمەسە دامىتۋ ورتاشا 25 اقپاراتتىق-كوممۋنيكاتسيالىق ينفراقۇرىلىم كومپونەنتتەرىن جوندەۋ قالىپتى 26 جۇمىس ورىندارىنا جۇيەلىك-تەحنيكالىق قىزمەت كورسەتۋ جوعارى 27 سەرۆەرلىك جابدىققا جۇيەلىك-تەحنيكالىق قىزمەت كورسەتۋ 1 جانە 2 توپتاعى اقپاراتتىق جۇيەلەر ءۇشىن –جوعارى 3 توپتاعى اقپاراتتىق جۇيەلەر ءۇشىن – ورتاشا 28 اقپاراتتىق جۇيەنى قۇرۋ 1 جانە 2 توپتاعى اقپاراتتىق جۇيەلەر ءۇشىن – جوعارى 3 توپتاعى اقپاراتتىق جۇيەلەر ءۇشىن – ورتاشا 29 اقپاراتتىق جۇيەنى جانە ەلەكتروندىق اقپاراتتىق رەسۋرستى سۇيەمەلدەۋ 1 جانە 2 توپتاعى اقپاراتتىق جۇيەلەر ءۇشىن –ورتاشا 3 توپتاعى اقپاراتتىق جۇيەلەر ءۇشىن – قالىپتى 30 باعدارلامالىق قامتاماسىز ەتۋدى تەحنيكالىق قولداۋ 1 جانە 2 توپتاعى اقپاراتتىق جۇيەلەر ءۇشىن –جوعارى 3 توپتاعى اقپاراتتىق جۇيەلەر ءۇشىن – قالىپتى 31 جابدىقتى تەحنيكالىق قولداۋ 1 جانە 2 توپتاعى اقپاراتتىق جۇيەلەر ءۇشىن –جوعارى 3 توپتاعى اقپاراتتىق جۇيەلەر ءۇشىن – قالىپتى 32 جوبانى باسقارۋ 1 جانە 2 توپتاعى اقپاراتتىق جۇيەلەر ءۇشىن –جوعارى 3 توپتاعى اقپاراتتىق جۇيەلەر ءۇشىن – ورتاشا 33 اقپاراتتىق جۇيە مەن ەلەكتروندىق اقپاراتتىق رەسۋرس حوستينگى جوعارى اقپاراتتاندىرۋ سالاسىنداعى تاۋارلاردى, جۇمىستاردى, قىزمەتتەردى مەملەكەتتىك ساتىپ الۋ شىعىستارىنىڭ ەسەبىن جاساۋ, ۇسىنۋ جانە قاراستىرۋ جونىندەگى نۇسقاۋلىققا 2-قوسىمشا نىسان اقپاراتتاندىرۋ سالاسىنداعى تاۋارلاردى, جۇمىستاردى, قىزمەتتەردى مەملەكەتتىك ساتىپ الۋ شىعىستارىنىڭ ەسەبىنە ۋاكىلەتتى ورگاننىڭ قورىتىندىسى № بيۋدجەتتىك باعدارلاما-لاردىڭ اكىمشى باعدارلاما كىشى باعدارلاما ەرەكشىلىك اتاۋى 1 جوسپارداعى جىلعا بيۋدجەتتىك ءوتىنىم مىڭ تەڭگە 1 جوسپارداعى جىلعا قولداۋ كورسەتىلگەن سوما مىڭ تەڭگە 2 جوسپار-داعى جىلعا بيۋدجەتتىك ءوتىنىم مىڭ تەڭگە 2 جوسپارداعى جىلعا قولداۋ كورسەتىلگەن سوما مىڭ تەڭگە 3 جوسپارداعى جىلعا بيۋدجەتتىك ءوتىنىم مىڭ تەڭگە 3 جوسپارداعى جىلعا قولداۋ كورسەتىلگەن سوما مىڭ تەڭگە نەگىزدەلگەن قورىتىندى 1 2 3 4 5 6 7 8 9 10 11 12 13 بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 26 ساۋىردە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13631 بولىپ ەنگىزىلدى.